والله انا مش عارف اقول لحضراتكم اية بس اللى انا عارفة كويس اوي اننا بننحدر
موضوع مش جديد ولكنة خطير كنت ذكرت جزء بسيط منه فى موضوع ( هلس حتي النخاغ )
عايزين ثورة علشان يكون لينا موقف
لالا اية اللى انا بقولة دة احنا مش عايزين ثورة ، ايوة احنا عايزين واحد عسكري يقف على محلات الملابس غلط ولا دي كمان
ولا عايزين رجالة ما علينا ياريت اللى عارف يبقي يقولي اية الحل .
اصفر واحمر واخضر وازرق وترتر وعبايات وقباحة الاستايلات ولميع وفي وسطهم ضيق وملزق ومحزق ومقفول ومجسم ومجسد وعادي جدا
قبل كدة ماكنش ينفع يكون عادي طب يعملوا اية علشان يكون عادي
قتلوا حاجة كدة اسمها الاخلاق وحاجة تانية اسمها الشرف وحاجة تالتة اسمها العفة وحاجة كمان اسمها الكرامة والنخوة وحاجات كتير
وبكدة اصبح الامر عادى
ووصلت السفالة للبنات الصغيرين علشان الشباب الصغير طبعا ما الكل بيقلد ماتخافوش كلة مكتوب ومافيش حد منسي كله فى الخطة متسجل الادهى من كده التقاليع الجديدة اللى بقت فى لبس الحجاب بقى فى حجاب بيتلبس على بنطلونات قصيرة اخرها تحت الركبة والابشع من كل ده احدث الصيحات فى لبس النقاب .النقاب دلوقتى بقى بيتلبس على جيبات ضيقة وباديهات وبلوزات
واصبحت الشباب كلها فى حالة ذهول من اللى بيشوفوه والله معزورين ، ناس تقولك وهما يبصوا لية وهما اول ناس بتبص الكل بقى يبص بس الحكاية مبقتش مجرد بصة غلط لأ دى بقت فرجة امال انا عرفت منين واللى بيحاول ويبص الناحية التانية بيلاقي الابشع نروح فين طيب.
الام تقول علشان تتجوز
لكن موقف الاب غريب ياراجل خليك راجل قول دة لا وقول دة اة
الله يرحمك يارجولة
كي بورد / صلاح عبد الرحمن
