حلم اليهود

طبعا الصورة مش محتاجة اي تفسير ، مش محتاجة اقولكم انهم طول عمرهم بتوع كلام
اه فعلا هما في حاجات كتير قالوا هنعملها و عملوها بس حلمهم الاكبر ده اللي مستحيل و طبعا الكلام ده مش من عندي ده كلام ربنا ورسولنا الكريم ( صلى الله عليه و سلم ) . و المفروض اننا اقوى منهم بالإيمان لان ربنا معانا و هما اكثر تفككا منا و اكثر رعبا و مش احنا بس اللي بنقول كده هما عارفين كده برضه انهم مفككين وقالها بن جوريون ( نحن قوم لا نحيا إلا بعدو ) فالشعب الاسرائيلي هو كيان مفكك و الطريقة الوحيدة لجمعه على كلمة واحدة هي احساسه بالخطر و ربنا قالها برضه ( و تحسبهم جميعا و قلوبهم شتى ) .
انا شايف ان البداية عشان ناخد اول خطوات النصر ان كلنا نغير من نفسناا ( و لو أن اهل القرى امنوا و اتقوا لفتحنا عليهم بركات من السماء و الارض ) لازم ننتشل نفسنا من الضياع اللي احنا فيه كل واحد يبتدي بنفسه بقى و يغير من نفسه للأحسن عشان خاطر يتصلح حالنا ، انت تعرف ان انت اللي مأخر النصر ده لان كل واحد بيعمل اللي هو عايزه مش مهم بقى صح و لا غلط و يقول يعني هي جت عليا انا اللي هحرر الاقصى طب و ليه متبقاش انت ليه احنا دايما فاقدين الثقة في قدراتنا .

ايام حرب غزة كنت بشوف مظاهرات عشان فتح بابا الجهاد مع إن نص اللي كانوا نفسهم يجاهدوا دوول يوم ما يقولوهم يالا نحارب هيستخبوا ( يا أيها الذين امنوا مالكم إذا قيل لكم انفروا في سبيل الله اثاقلتم إلى الارض ارضيتم بالحياة الدنيا من الاخرة فما متاع الحياة الدنيا من الاخرة إلا قليل ) و انا مش بقول كده على اساس ان كل اللي قالوا عايزين نجاهد كانوا بيقولوا كلام على الفاضي لا في ناس ايمانهم بربنا قوي و دي امنية عندهم فعلا و في ناس زي ما بيقولوا ( بيزيطوا ) و ربنا يهدي الجميع . شوفوا بقى الصورة دي

اعتقد الصورة دي توحي بالتفاؤل ان ربنا مش ناسينا و ان نصره قريب و رغم اننا احنا ناسينه و بعاد عنه بس هو مش ناسينا .

نيجي بقى شوية لموضوع غزة (هل كانت حرب غزة عدوان ام قمع ام إبادة شعب)

قال تعالى ( الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ (آل عمران : 173 )

لقد كانت الحرب على غزه حربا ليست ككل الحروب كانت هجمات بشتى انواع الأسلحه فى الحرب الحديثه على شعب اعزل لايملك من سبيل الدفاع عن نفسه الا القليل جدا من وسائل الدفاع التقليديه والتى فى مجملها لاتشكل اى خطوره على اى جيش فى العالم مدجج باحدث انواع الاسلحه المدمره للبشريه ....ليه بقى نسميها حرب ... ان الحرب فى مفهومها ان تتلاقى جيوش مدربه ومسلحه فى ميدان القتال اى كان نوعه او مكانه ... ولكن ماحدث فى غزه ليس كذلك فهى ليست حربا وانما هو تعبير مجازى ان صح التعبير ..اما التعبير الأوضح هو مايقع تحت السؤال
هل كانت حرب غزه عدوان اسرائيلى ام قمع للمقاومه الاسلاميه تحت رايه حماس ام اباده شعب فلسطين القاطن فى غزه ؟؟؟؟

انا عندي الاجابة الصور دي هتجابوبكوا





انا مردتش اتكلم كتير عن حكامنا العظام اللي ربنا يخليهم وورينا معاهم كل الخير فهسيب الكلام للقصيدة دي تتكلم بالنيابة عني

من اين ابداْ بالعتاب عتابي

يا امة نقضت عهود كتاب

في ارض غزة شاركت بحراب

ذبح الاحبة .... امة الاعراب

كل تنصل ..... رغم هول مصابي

صمت وما ادراك دون جواب

لا يرتجى منهم وعود سراب

لاذوا لبيت الشؤم بيت غراب

فيتو عليهم....... علقوا برقاب

يتذبذبون .......لعاهر نصاب

بوش الحقير مهرج لتباب

ما عاد فيهم نخوة الخطاب

من اجل امريكا على الاكعاب

سجدوا هناك بمعبد الكذاب

بصموا لذبح الاهل في المحراب

في ارض غزة والجميع مرابي

عبدوا الدولار لاجل انكل خابيا

ويلهم يوم اللقا ..... وحساب

كل الى سقر حضيض ماب

بقلم/ بلال مجدى نور الدين