حلم واحد صاحبى

فى يوم من الايام كنا قاعدين بنقرأ الجورنال زى اى يوم انا واصحابى وطبعا الجرايد كلها اليومين دول ملهاش سيرة غير عن الانتخابات والمرشحين والوعود والمشاريع القومية العريقة اللى فى برنامج كل مرشح . وبالطبع بقى محور النقاش بينا فى القاعدة عن الموضوع ده وبدأت الاراء تتبادل بينا .
اللى يقول يا جماعة أنا شايف أننا لازم نكون ايجابيين ونشارك بفاعلية فى الانتخابات واللى يقول ياعم كله محصل بعضه . لغاية ما واحد ظهر برأى مختلف وقال أنه شايف أن قريب كل شىء هيتغير والبلد هتروح فى سكة محدش هيتوقعها ومش بعيد نقوم الصبح فى يوم نلاقى كل شىء اتغير 360 درجة المهم انه كان حاد اوى فى رايه ومتمسك بيه جدا . واتفرقت القاعدة وكل واحد قام يعمل حاجة مختلفة وصاحبنا اللى كان رايه حاد اوى ده نام ونام نوم عميق وبعد ساعة قام من النوم وهو بيقول "انا بقيت رئيس جمهورية" . الغريب فى الموضوع ان صاحبنا ده ملهوش فى السياسة اوى يعنى بس احيانا بيتابع الجرايد واحيانا لأ خصوصا انه زى كتير من المصريين اللى بيجلهم أحباط من كلام الجرايد .
المهم انه بقى يكرر الكلمة كذا مرة " انا بقيت رئيس جمهورية "
وزى عادة المصريين أبتدينا كلنا نتريق عليه أنما هو كان مُُُُصر أنه جدا أوى فأنتبهنا وسألناه" يعنى ايه بقيت رئيس جمهورية "
رد وقال انا حلمت حلم غريب أنى بقيت رئيس جمهورية وقال الحكاية ابتدت معايا فى مظاهرة علشان حال البلد اللى فى النازل.

أسعار ملهاش سقف وعمالة تغلى وطوابير العيش اللى الناس بتموت فيها والطلبة اللى بتضرب من حرس الجامعة وغيرها وغيرها . المظاهرة ابتدت فى حلوان واستقرت فى التحرير قدام المجمع وفجاة وبدون اى مقدمات لقيت نفسى جوه قصر الرئاسة لأ وكمان بيقولولى يا ريس وأبتديت حملة تغير موسعة فى كل شىء وابتديت اظبط حال البلد بشكل خلى الناس متعاطفة معايا وبقيت انزل الشارع وأقف فى طوابير العيش وأحقق بنفسى فى كل شىء .
وفجاة صحيت وللاسف لقيته حلم .
بصرف النظر عن حلم صاحبى وبصرف النظر عن انه حلم زى كل الاحلام فى امكانية للتحقيقه .
ياترى ممكن صاحبى وغيره من الناس يعمله حاجة فى بلدنا ويغيروها بجد ولا هيفضل ده مجرد حلم ؟